خانە کتاب كُردی
كتێبی (پاساری) بڵاوکرایەوە
كتێبی (پاساری) لە كۆمەڵێك هۆنراوە بۆ منداڵانی باخچە پێكهاتووە كە شاعیر و مامۆستا چرۆ رەشید نووسیویەتی و چاپخانەی كارۆ بە تیراژی ۱۰۰۰ دانە چاپ و بڵاویكردۆتەوە.
شاعیر چرۆ رەشید لە پێشەكی كتێبەكەیدا ئاماژەی بەوەداوە، بەهۆی ئەوەی كە پیشەكەمە مامۆستا لە باخچەی منداڵان، بۆم دەركەوت كاركردن بۆ منداڵ ئەركێكی قورس و گرنگە و هاوكاتیش بەرپرسیارێتییە، بۆیە لەبەر خۆشەویستی زۆرم بۆ كار و پیشەكەم بڕیارمدا هەوڵبدەم شیعر و چیرۆك بۆ هاوڕێ نەرم و نۆڵەكان بنووسم، چونكە هاوڕێیەتی منداڵ جوانترین و ناسكترین و پڕ وەفاترین هاوڕێیەتییە.
